GSU Mobile

«GSU मोबाइल» - आधिकारिक Android एप्लिकेशन Gavar राज्य विश्वविद्यालय है।

«GSU Mobile»-ը Գավառի պետական համալսարանի (www.gsu.am) պաշտոնական Android հավելվածն է, որը հնարավորություն է տալիս մոբայլ հարթակի միջոցով ստանալ անհրաժեշտ տեղեկատվություն ԳՊՀ-ի մասին, հետևել համալսարանական անցուդարձին, օգտվել համալսարանի կողմից տրամադրվող ծառայություններից։

Հավելվածի հիմնական բաժիններն են.

• ԳՊՀ վերջին նորությունները,

• Հայտարարություններ,

• Դասացուցակներ,

• Քննաշրջանների ժամանակացույցեր,

• ԳՊՀ-ի մասին տեղեկատվություն,

• Առաջարկվող կրթական ծրագրեր,

• Հեռախոսահամարների տեղեկատու,

• Տեսանյութեր,

• Հետադարձ կապ և քարտեզ,

Հավելվածի միջոցով կարելի է մուտք գործել՝

• E-learning GSU էլեկտրոնային ուսուցման համակարգ,

• E-library GSU էլեկտրոնային գրադարան,

• www.student.gsu.am ԳՊՀ ուսանողական կայք,

• ԳՊՀ ֆեյսբուքյան էջ։

Հավելվածով կարելի է կիսվել էլ․փոստի, ֆեյսբուքի և այլ սոց․ ցանցերի միջոցով։

Մի շարք հնարավորություններ կավելացվեն հետագայում։

Գավառի պետական համալսարանը Գեղարքունիքի մարզի միակ բարձրագույն ուսումնական հաստատությունն է։

Գավառի պետական համալսարանի ստեղծման նախաձեռնողը և հիմնադիրը փիլիսոփայական գիտությունների դոկտոր, պրոֆեսոր, Հայաստանի Հանրապետության վաստակավոր մանկավարժ Հրանտ Խաչատուրի Հակոբյանն է:

1991-1992թթ. սոցիալ-տնտեսական ծանր պայմաններում Գեղարքունիքի մարզի հանրակրթական դպրոցների բազմաթիվ շրջանավարտներ գործնականում հնարավորություն չունեին ուսումը շարունակելու մայրաքաղաքում: Ուստի, մանրակրկիտ ուսումնասիրելով տարածաշրջանի յուրաքանչյուր տարվա շրջանավարտների և գիտական աստիճաններ ունեցող անձանց քանակը, ինչպես նաև մասնագետների պահանջարկը, օգտվելով ՀՀ անկախության ընձեռած հնարավորությունից` Հրանտ Խաչատուրի Հակոբյանը դիմեց ՀՀ կրթության և գիտության նախարարություն` Գավառում համալսարան բացելու առաջարկությամբ: Այսպիսով՝ ՀՀ Կառավարության 1993թ. մայիսի 5-ի թիվ 208 որոշմամբ Գավառում (նախկին Կամոյում) բացվեց պետական համալսարան:

Նորաբաց համալսարանը սկսեց մասնագետներ պատրաստել «Հայոց լեզու և գրականություն», «Ֆինանսներ և վարկ», «Հաշվապահական հաշվառում, վերահսկողություն և տնտեսական գործունեության վերլուծություն», «Մեքենաշինության տեխնոլոգիա», «Էլեկտրամեխանիկա», «Ագրոքիմիա» մասնագիտությունների գծով:

Հետագա ուսումնական տարիներին ընդլայնվեց մասնագիտությունների շրջանակը։ Այսօր արդեն բուհը կրթություն է իրականացնում 16 մասնագիտությունների գծով։

Համալսարանում բարձրագույն մասնագիտական կրթական ծրագրերն իրականացվում են առկա և հեռակա ուսուցման համակարգերում: Բուհում գործում է երկաստիճան կրթական համակարգ՝ բակալավրիատ և մագիստրատուրա:

Առկա ուսուցման համակարգում գործում են 4 ֆակուլտետներ։

Բանասիրական ֆակուլտետ

Հայոց լեզու և գրականություն,

Ռուսաց լեզու և գրականություն,

Անգլերեն լեզու և գրականություն:

Բնագիտական ֆակուլտետ

Աշխարհագրություն,

Բնապահպանություն և բնօգտագործում,

Ինֆորմատիկա և հաշվողական տեխնիկա,

Կենսաբանություն,

Դեղագործական քիմիա,

Քարտեզագրություն և կադաստրային գործ,

Սերվիս:

Տնտեսագիտական ֆակուլտետ

Ֆինանսներ,

Հաշվապահական հաշվառում,

Ձեռնարկությունների տնտեսագիտություն և կառավարում:

Հումանիտար մասնագիտությունների ֆակուլտետ

Իրավագիտություն,

Պատմություն (իրավունքի հիմունքներ),

Մանկավարժություն և մեթոդիկա (տարրական կրթության):

Հեռակա ուսուցման ֆակուլտետն ընդգրկում է 13 մասնագիտություններ։

Համալսարանի ֆակուլտետները տեղաբաշխված են երեք ուսումնական մասնաշենքերում, որտեղ ստեղծված են բոլոր անհրաժեշտ պայմանները որակյալ կրթական և դաստիարակչական գործընթաց կազմակերպելու, պատշաճ կերպով բարձրագույն մասնագիտական կրթական ծրագրեր իրականացնելու նպատակով:

Գավառի պետական համալսարանում գործում է կրեդիտների կուտակման և փոխանցման եվրոպական /ECTS/ համակարգը: 2006-2007 ուսումնական տարում համալսարանի չորս բաժնում, իսկ 2007-2008 ուսումական տարվանից բոլոր բաժիններում կրթական գործընթացը սկսել է կազմակերպվել կրեդիտային համակարգի սկզբունքներին համապատասխան:

Որակյալ կրթություն ապահովելու նպատակով համալսարան դասավանդելու են հրավիրվել Հայաստանի Հանրապետության 150 լավագույն մասնագետներ:

ԳՊՀ-ում ուսանում են ավելի քան երկու հազար հինգ հարյուր ուսանող Հայաստանի Հանրապետության տարբեր մարզերից և մայրաքաղաքից: